政情：馬清楠難忘與父為孤兒送機

盼基層學生獲優質教育

馬清楠話過往照顧孤兒係保良局嘅主要服務之一，孤兒長大後保良局仲會介紹適合婚嫁對象，繼而成家立室。但自上世紀五十年代開始，香港嘅孤兒大幅減少，保良局亦開始謀劃其他社會服務項目，而第一所保良局嘅局外學校，就係喺爸爸做主席嘅任內落成啟用。

佢話自己依家做主席同佢爸爸當年做主席相隔一個甲子，而父子兩人都好注重教育，佢上星期就帶咗五百位學生到北京交流，佢話希望基層學生不受家庭財力所限，都可以受到優質教育。由於保良局服務繁多，佢期望善長多多支持咁話。