女經紀：馮陳拍拖睇樓 卿卿我我
【本報訊】涉案雍景臺物業交易中的關鍵人物地產代理吳鳳萍，應馮永業傳召以辯方證人身份出庭作供。吳供稱，二○○○年起已協助馮處理物業買賣，馮是其熟客，她指馮氏夫婦在九六至○四年間曾經買賣的物業有十個，獲利近二千四百萬元。吳指見過馮程淑儀來睇樓，後來又多了一位陳小姐，據吳理解，馮陳二人是情侶關係：「佢哋睇樓時卿卿我我，我都（目及）到嘅！」
吳鳳萍先後任職中原及利嘉閣，因馮永業來查詢樓盤而與馮認識，馮一有空閒就會睇樓，她見過馮跟太太一同出現。直至○四年左右，馮睇樓時會帶同一位陳小姐，馮說陳是朋友；同年七至十一月間，陳一口氣買入五個大銀碼物業，包括山頂道樓花，吳亦好奇陳的身份，但她沒想過直接問馮，「因為佢實唔會講」，於是她自己查，終知道陳「同信德家族嘅關係，佢係陳婉珍個妹妹」。
涉案51萬原為陳買豪宅訂金
吳續指，陳婉玉所買的單位，其實都是她介紹給馮永業，二人視察單位後，都由馮指示吳去議價，單位裝修亦由馮安排。至於涉案雍景臺單位亦是她介紹給馮，○四年九月廿八日陳看過夜景後，當晚便簽臨約並開支票付訂金，但馮很快來電說：「陳小姐依家又唔係好想要呢個單位，惟有我啃咗佢，要點搞？」
吳遂建議修改臨約上的買家名字，再找業主簽名同意便可，但提出既然業主已收下訂金支票，「我覺得麻煩費事再換票，就建議由得佢，叫佢哋自己搞掂（訂金）」。吳指稱，改動臨約的買家身份其實非常普遍。
陳婉玉則供稱，已記不起是否有跟馮永業商討如何處理這五十一萬元訂金，「當Wilson（馮永業）話要呢層樓嘅時候，我覺得件事已經完咗，我已經唔記得咗呢五十一萬」。她坦言自己無錢銀的顧慮，「唔可以話我好有錢，但我係無顧慮」；律師問她：「如果無錢嘅時候你會點做？」她似乎從未考慮過這問題，想了一會才答：「咁我咪問我家姐攞囉！」