政情：公民講場：羅致光拒設租津 不識劏房戶疾苦

土地問題困擾港人生活，最慘就係劏房戶，住喺幾十呎嘅地方，租金仍不斷上升，大半份糧隨時用咗嚟交租。勞工及福利局局長羅致光尋日就喺網誌話，關愛基金計劃有個新項目，為劏房戶提供一筆過津貼，用嚟維修、買傢俬同滅蟲滅蝨同防鼠患，不過對設立租津等就有保留嘞，因為大部分會成為相關業主收益喎。講真嗰句，劏房租金咁貴，就快逼到租戶要瞓街咁滯，羅致光仲諗埋啲滅蝨同防鼠，唔去解決根本問題，真係唔知好嬲定好笑。