政情：B女一歲生日 陳李妮擺八圍慶祝
博愛醫院前主席陳李妮（Lily）尋日幫B女Phyliss搞一歲生日派對，擺咗八圍慶祝。Lily話，Phyliss喺美國出世，所以擺唔到滿月酒，之後夠一百日，又唔放心佢接觸太多人。但好多親戚朋友都想見吓BB，於是等佢夠一歲就搞生日派對，等大家都同BB一齊慶祝吓，認真溫馨！
Lily話，Phyliss依家約廿三磅重，開始認人，但唔算怕陌生人。如果陌生人要抱佢前，就要熱吓身先，唔好行得太近或動作太大。不過BB爸爸Marc喺度時，就邊個都唔抱得嘞，因為BB淨係要爸爸，所以爸爸今晚都抱到隻手好攰呀，去到要瞓覺、食奶、換片，就會搵番媽媽。Lily又話，依家最大嘅願望，係Phyliss健康，做個陽光女孩。