政情：公民講場：滅鼠用錯方法 食署死撐有效

政府滅鼠不力，就算引進咗新科技捉鼠，竟然係零戰績，老鼠更加愈嚟愈猖狂，上樓登堂入室。最近有議員搵咗廣州鼠王嚟幫手，用叉燒做鼠餌，好快就捉到多隻老鼠，而有啲街坊有樣學樣都捉到喎，唯獨食環署捉唔到，仲要死撐話番薯作餌最有效。老實講，外界已經鬧爆食物及衞生局局長陳肇始滅鼠用錯晒方法，係咪應該研究吓仲有乜新方法，而唔係抱殘守缺，咁官僚簡直就害慘市民。