隨住社會進步，政壇人物當中男女嘅比例愈益達到平衡，連日本呢個傳統上男尊女卑嘅國家都出現咗唔少美女從政，相信未來可能會有更多美女加入，而最近鈴木富美奈就被網民大讚有資格做政治家，唔知大家又點睇呢？
笑有好多種，有甜笑、有苦笑、有淫笑、有奸笑，而小弟最鍾意嘅就一定係來自美人兒面上猶如陽光般令人溫暖嘅燦爛笑容，亦正係鍾意呢種笑容，令我愛上鈴木富美奈。28歲嘅富美奈出道初期樣子並不出眾，但係家陣愈來愈靚，不過如果大家仲係睇佢唔上眼，其實可以留意一下佢嘅笑容，真係燦爛無比，猶如置身於陽光普照嘅戶外咁令人精神抖擻。
另外，富美奈嘅胴體亦非常火辣，除咗夠高挑之外，而且肉地結實，上圍對H奶仲又大又圓又脹卜卜，配埋條纖腰同豐隆美尻，令呢副胴體足以稱霸寫真界！
鈴木富美奈喺2010年加入寫真界，憑住爆乳身材以及令人一見難忘嘅笑容，而獲取唔少粉絲支持，近年更人氣上升，原因係佢積極涉足各個範疇，例如為一個招募工程人員嘅求職網站實地體驗駕駛重型機器，亦為一個新聞網站做書評人，每個工作都會全情投入，以正面樂觀嘅個性深深咁吸引大家。近期富美奈為人注目嘅工作包括為夜間電視節目《麻雀最強決戰2019》做主持，以及為有份演出嘅電影《麻雀放浪記2020》宣傳。
最近似乎仲有人嫌阿妹嘅工作唔夠繁重，要求佢去從政，點解呢？事緣近日富美奈喺社交網上放咗一張身穿泳裝半露酥胸嘅照片，當中舉起寫住「令和」二字嘅紙牌，由於好似官房長官菅義偉宣布日本將由年號「平成」改為「令和」一樣，網民紛紛大讚富美奈扮得非常似，甚至有資格做政治家喎！小弟梗係唔希望阿妹從政啦，拍多啲寫真畀我哋欣賞睇好過！
簡介：鈴木富美奈嘅社交網充滿性感寫真照，另外亦有好多關於佢嘅新消息及生活點滴，不論係單純想一飽眼福，定係深入了解阿妹嘅生活都可以Click上去睇睇。
網址：https://twitter.com/suzukifumina
年齡：28歲
身高：5呎5吋
三圍：38H-24-36
撰文：賢