政情：愛犬病愈險再中暑嚇親梁美芬

梁美芬日前喺Fb貼文，話經過六個星期，佢隻狗狗Curtis已由深切治療部返咗屋企休養，仲康復得好好，近日已開始同家人一齊散步。有日趁傍晚時太陽唔係太猛烈，佢哋帶Curtis到海濱散步，只係行咗一百米度，Curtis就表現得有啲唔妥，又想跳上櫈，又想跳上佢哋嘅手，而且一直不停喘氣。

補充水分後回復精靈

見情況唔妥，佢就立刻帶Curtis去睇獸醫 ，獸醫話Curtis體溫四十度，幾乎中暑，所以即時用正常室溫嘅水替佢降溫，又畀水佢飲，補充水分，之後Curtis好快就康復，又再展現精靈嘅一面嘞！

佢話原來海濱地面較「興」，而且狗狗矮小，佢哋喺地面上行走時就好似行喺溫板上，容易中暑，所以佢就提醒各位愛狗人士，同愛犬散步時要多留意佢哋嘅反應，慎防佢哋中暑。