本港持續受鼠患困擾，政府一直束手無策，早前本港仲錄得三宗大鼠戊型肝炎個案，喺全球文獻記載嘅六宗相關個案中，本港就佔咗五宗，真係醜絕全球。雖然食物及衞生局局長陳肇始就寫晒網誌話高度關注，又話要開跨部門會議，但就有專家批評政府滅鼠方法效用低，連最簡單嘅滅鼠毒餌都擺錯位，將啲鼠餌放喺街市隱蔽處，老鼠都唔吼啦！街市放鼠餌擺錯位，食衞局局長個位就肯定係擺錯人，否則香港食物同衞生點會搞到一塌糊塗吖！
