政情：今日你上鏡：莊家彬愛戴大耳機 自嘲似地產經紀

唔少人用智能手機都會配置耳機，方便行街及駕駛時接聽電話，甚至聽音樂，而耳機愈出愈輕巧，但我哋見香港菁英會主席莊家彬（Albert）仲戴住體積較大、有咪高峰突出嘅較舊款式藍牙耳機，究竟係咩原因呢？原來Albert試過唔同款式嘅耳機，無論係細細粒掛喺耳邊，定係成個耳機塞入耳洞內嘅都試過，甚至三千多元嘅耳機都用過，但佢話冇明顯咪高峰嘅細耳機，經常都會接收較差，特別一邊行一邊傾電話嘅時候就更加唔掂，反而大舊嘅款式又平又好用，唯一缺點係戴嘅時候會好似地產經紀喎！