政情：丟低書法多年 廖漢輝慨嘆兒時資源少
今時今日嘅學生有好多唔同嘅課外活動，其中書法都頗受歡迎。好似香港順德聯誼總會副主席廖漢輝最近就同一個小六學生合照，原來呢位小學生係香港學界書法比賽教協盃高級組冠軍，書法寫得相當唔錯，廖漢輝話自己雖然細個時都學過書法，但佢個年代資源較少，冇乜機會深造，已經丟低咗好多年，所以覺得呢個年代嘅小學生好幸福，有好嘅老師指導，年紀小小就寫得一手好字喇！
指傳統文化值得學習
廖漢輝話書法係中國傳統文化，由中國早期寫字就已經係用毛筆，有幾千年歷史，值得推廣畀時下學生，又話同佢合照嘅學生，佢所屬嘅書法班已連續十六年攞到全港冠軍，喺全國比賽都有優異獎，絕對值得表揚。不過，佢話唔止係書法，國畫等其他中國傳統文化都值得學生學習，認為有助訓練學生嘅耐性、觀察力等。
呢班學生唔止攞獎（口架），佢話每年農曆新年前夕班學生都會幫手寫揮春送畀市民，仲話好多市民若果唔知情，根本就睇唔出手字係出自小學生之手，而佢亦希望可推廣畀更多學生，等多啲人去學書法咁話。