今年兩爆疫 明鼠年更差
【本報訊】今年流年不利，人畜傳染病接踵襲港，先有麻疹、後有非洲豬瘟，最新又爆大鼠戊型肝炎，完全應驗本報今年立春前到黃大仙祠求得靈籤「朱洪武登基」，當時已預言疫症會如籤文「群山擾擾」般忽然來襲，同一時間可能不只一種疾病爆發。堪輿學家麥玲玲指，今年立春撞正破日，注定是動盪的一年，推算疾病潮於現時農曆四月爆發後，到農曆十月會再有新一波，而明年是鼠年，鼠患問題會因本命年而趨向惡化，提醒市民勿掉以輕心。
麥玲玲解釋，立春主宰一年運勢，好比一個人的時辰八字，如該年立春是好日，通常一整年都會平平安安，惟今年立春是破日，屬驛馬相沖，特別多交通及衞生相關事故，「你睇港鐵通車四十年，今年先撞車就知沖得幾緊要啦！」
按照今年運勢，麥玲玲預計農曆十月有機會爆發第二輪疾病潮，加上明年是鼠年，鼠患或會再度爆發，甚至升級，「好似雞年容易有禽流感、牛年就會有瘋牛症，今年豬年就即刻爆咗非洲豬瘟，所以本命年通常都係咁！」
肖豬及蛇者需小心健康
另一堪輿學家周漢明亦認同，本港鼠患問題極有機會在明年的本命年惡化。他提到，個別生肖如龍雖是虛構生物，惟同樣會影響爬蟲類或海洋生物出現疾病，而本命年與其相沖的生肖健康最受影響，其次則是「刑穿太歲」的生肖，「即係想搵太歲着數，咁個太歲就梗係用刑懲罰佢啦！」
周漢明以今年豬年為例，屬豬及蛇者健康運最差，常要求醫問診；至於明年鼠年，他提醒屬鼠及馬的市民要小心，因健康運最差。