政情：八網難逃：哪吒公院磁力共振 遭質疑區議員優先

解釋排咗好耐隊

話說哪吒喺Fb貼文「感謝瑪麗醫院放射科，今早完成磁力共振檢查，希望血管及腫瘤保持平穩，讓我可繼續有健康身體、服務社會。」之後，有好多網友喺留言度鼓勵佢，為佢打氣，但亦有網友話尋日係周日，乜都有呢項（磁力共振）服務咩？亦有網友問：「 閣下是區議員，排隊有冇優先？」哪吒即刻回應話「沒有優先、不同科系，已排隊很久」。

好多網友都唔知哪吒因乜事入院做磁力共振，其實佢早喺舊年一月自爆腦內出現血管瘤，佢當時話因為佢爸爸係中風患者，所以估計係同遺傳有關，仲話會定期檢查，亦有做針灸，平日亦會做多啲運動，飲食就要多菜少肉。