中環出更：數據遲滯 羅致光認扶貧愈追愈落後
勞工及福利局局長羅致光尋日發表網誌，講起引起國際關注嘅法國黃背心運動，仲延伸到香港貧富懸殊問題，承認香港制訂職津、調整最低工資等政策，都要等滯後嘅數據才調整政策，可能會愈追愈落後。吓？仲以為佢會講吓好啲嘅解決方法添！
羅致光話，以統計數據及國際比較嚟講，法國嘅貧富懸殊指數算係好低，但法國基層民眾就覺得貧富懸殊問題好嚴重。所以估計出現黃背心運動其中一個原因就係失業率高，「仇富」嘅講法亦有一定嘅可信性。
話要制訂適時政策
佢話本港設立高額長者生活津貼，及將低津改善至職津後，因為要分析貧窮情況，所以喺今年底至明年底才會顯示分析結果。至於調整最低工資後，對紓緩收入不均不斷加劇嘅趨勢有咩效果，就大約喺二○二二年中才知道。佢承認若要等待滯後嘅數據才調整政策，只會追落後，亦可能愈追愈落後。制訂適時政策，政府係責無旁貸，但都要凝聚社會共識，制訂與推行政策才會順暢喎！
卓妮