政情：公民講場：住屋標準倡規管 陳帆慣性推搪

公營房屋短缺，唔少基層捱貴租、住劏房。尋日就有一個調查結果，指九成受訪者認為住屋標準應包括衞生設備、足夠窗戶同獨立廁所等，逾七成受訪劏房戶認為現時住處唔達標，更有八成半受訪者認為政府需立法監管添！話時話，政府話冇地起樓，淨係搵地方搞過渡性房屋都話難，要政府立法規管住屋標準難上加難，到底運輸及房屋局局長陳帆點拆招？諗都諗到，事關要規管私樓，到時佢又會諸多藉口，例如加租轉嫁喺租客身上等等，總之就係唔做唔錯。