中環出更：邵家臻寫信當履行議員職責
違法佔領行動（佔中）案件上周三判刑，佔中案被告之一、社會福利界立法會議員邵家臻被判囚八個月，未能返回立法會開會，履行議員職責。不過上月三十日立法會人事編制小組委員會開會，其中一項議程係關於海事處開設職位事宜，而邵就喺開會前一日去信查問有關職位細節。唔通佢諗住寫封信就可以扮有如常履行議員責任？
邵因身體不適，被判刑後都未送往監獄，一直喺羈留病房，其社交網站喺佢被判刑後依然持續更新。由於佢尚未被立法會褫奪議員資格，所以佢都仲係議員，其議員辦事處亦會繼續運作，所以去信政府提問並無問題。而邵之前仲提出想喺坐監期間申請還押返立法會開會，不過懲教署就要檢視有關申請理由同保安因素。邵咁積極申請返立法會開會，唔知佢係咪怕連續三個月唔出席會議，會面臨被取消議員資格嘅風險呢？
朱耀明探戴耀廷後不適
另外，喺佔中案中被判囚十六個月、緩刑兩年嘅被告朱耀明，尋日一行多人去咗大嶼山石壁監獄，相信係去探喺佔中案被判囚十六個月嘅被告、佔中發起人戴耀廷，而朱探監後就喺門外石槽坐低。懲教人員指有人因感到不適，所以坐低休息一陣。朱等人其後搭的士離開。
卓妮