政情：議員鳥獸散 何君堯一人獨撐

瘋狂發問六題

當時環境局副局長謝展寰、渠務署助理署長（設計拓展）黃緒勤等人早已排排坐好，準備回應議員提問，但出乎意料會議室中竟空無一人，議員全部走晒，得番何君堯孤零零「一夫當關」坐喺主席台。一開始佢已經講笑「得我一個睇晒」，之後仲語帶諷刺咁話「好高興大家都喺大樓睇電視（轉播會議），無咩大問題」。

其後佢仲「瘋狂發問」咗六條問題，由喺污水處理廠設立教育設施，到污水渠同泵房嘅工程時間等等，問得嘅都問晒咁濟。拉咗咁耐布，最後佢都無能為力，舉晒白旗話「除非工作人員有嘢問，唔係問題都問晒」，又稱自己已「盡晒人事」，會議比原定時間提早半個鐘完結。