「明日大嶼」填海計劃自提出以來一直備受爭議，當中最大問題係造價太貴，分分鐘要逾萬億元埋單，掏空政府財政儲備。不過，發展局局長黃偉綸為求推銷有關計劃，尋日喺立法會就死撐計劃係審慎嘅長遠投資，屬「好克制嘅計劃」。可惜市民反指計劃係「千年一遇嘅天仙局」，形容政府估算造價六千二百幾億元係「昆水」，大鬧過往基建不斷超支，預料今次計劃埋單要過萬億元。如果政府唔首先好好利用現有土地，睇怕市民繼續視政府為老千！
