政情：八網難逃：葉劉視察上水街市 巧遇黃國健買餸

早兩日立法會議員葉劉淑儀喺社交網站擺咗張相，見佢同議員容海恩拍住去上水石湖墟街市視察，隔籬仲有立法會議員黃國健（KK）。原來葉劉一行人原本去視察街市冷氣槽設施，巧遇KK買餸，KK仲話已買咗魚同木瓜準備親自下廚煲湯。葉劉形容話見KK挽住餸菜，一副「住家男人」咁嘅樣，就問係咪有口福可以品嘗其廚藝，咁KK梗係話無任歡迎喇！葉劉就話要同容海恩搵機會去試吓喎！