政情：八網難逃：遊斯里蘭卡曾遇恐襲 項明生寫定遺書

斯里蘭卡發生連環恐怖襲擊，旅遊作家項明生（前中）尋日喺社交網站話，事件令佢諗起第一次到斯里蘭卡時，遇上恐怖襲擊嘅經歷。話說當佢食完晚餐後遇上自殺式恐怖襲擊，小型直升飛機攻擊佢入住嘅酒店地區，當時佢喺超市，仲以為係燒煙花嘅聲音，後來先知係槍聲，即刻跑返酒店。當時全城停電，佢鎖上房門，驚到連呼吸都唔敢太大聲，驚會被恐怖分子發現捉去當人質。去到凌晨四點，突然間有人敲門喊「Room Service」，佢唔敢應門，當時仲以為會客死異鄉，所以寫低咗遺書添！聽落真係好驚嚇。