政情：唔跟老竇 莊展銘改跟梁志祥
新界潮人總會主席莊健成曾任兩屆元朗區議員，不過取消委任制後無法順利過渡，而其兒子莊展銘（Jason）似乎未有嚇怕選舉嘅殘酷，對政治好感興趣，但就未有投身莊健成所屬嘅政黨，而係跟咗立法會議員梁志祥喇！
過檔另一政黨 指理念相近
Jason現時為元朗社區幹事，喺正莊健成嘅舊選區，所以唔少街坊都認識佢哋兩父子，仲話佢哋好似餅印咁添。Jason近水樓台，自言有難題都會隨時請教爸爸，但爸爸又唔鍾意直接講答案，搞到佢要諗一大餐，或者再請教其他人，不過對方都有鼓勵佢要出心出時間，亦都叫佢要早睡早起，而自己久而久之已養成呢個習慣喇。
就咁聽落，莊健成似乎過咗唔少秘訣畀Jason，但Jason竟然過檔其他政黨喎，佢就話因為爸爸同梁志祥相熟，認識梁志祥後又覺得理念相近，所以先有呢個決定嘅。