政情：公民講場：運署混帳 任由「死車」霸位

香港泊車位不足，搞到市民有車冇位泊，政府一直以來都解決唔到市民泊車難問題。最新一份審計報告仲踢爆運輸署對十一個政府多層停車場管理不善，竟然縱容俗稱「死車」嘅被棄置車輛佔用車位，甚至仲長達十一年都唔移走，至於嗰啲設有電動車充電器嘅車位，又畀非電動車佔用，真係離譜。早前政府為咗增加泊車位，就提出學吓新科技搞智能停車場，不過如果運輸署署長陳美寶繼續係咁管理不善，任由啲「死車」長期霸住車位，就真係起幾多智能停車場都嘥氣喇。