本港推行玻璃樽回收計劃成效一向低迷。環境局局長黃錦星尋日沾沾自喜咁細數，去年玻璃樽回收量逾一萬三千公噸，未來數年會逐步增至五萬公噸，相等於約一億個玻璃樽，回收率達五成。仲話當局將推出玻璃樽回收圖解，進一步教巿民回收須知。問題係，唔止市民回收意識唔足夠，早前有屋苑聘用嘅清潔商被踢爆將回收桶內嘅玻璃樽當垃圾棄置，咁多環節出問題，黃錦星豈能妄想一招解決？
