香薰治療師克服逆境 發動募捐助他人

說到事業打擊，就是自己兩間店舖因高昂租金及消費模式轉變而結業，其中一間Kat更是苦心經營了十五年。心血化為烏有令Kat心如刀割，「形同你要將你個仔了斷嘅心情一樣，係好沉重嘅決定嚟，你嘅理智會覺得係啱，但心入面會覺得好唔開心。」而在此情緒整頓期間，拍拖八年的男朋友亦跟她分手了。

失戀對Kat而言打擊不算十分大，畢竟她覺得若對象不適合自己，分開也不是壞事。然而離開她的不只是前度，當時母親突然發病，經檢查後證實患上血癌，醫生評估只餘三至六個月性命，但最後卻在六星期後去世。

懂得轉化 變得更強

Kat所面對的挑戰仍然陸續有來，母親去世後，她另一間店舖也告結業，「當最後一日啲貨送到我屋企，我係崩潰嘅，我淨係睇住啲嘢唔識執，淨係喊，就算係我咁正向，我都有差唔多兩個禮拜係咁。」

有二十多年香薰治療經驗的Kat，雖懂不少心理學理論，但在崩潰那刻卻也無能為力。

經歷連番挫折，Kat發起了一系列慈善活動，以募捐幫助有需要的人，其中包括協助癌症患者，「雖然我唔係病人，但無助感都係一樣，嗰度（中心）會有註冊護士同社工，亦有啲癌症康復者喺度幫手，變咗有人問就有方向，燃點燭光，重燃希望，有希望就可以繼續向前行。」

有人將經歷了不如意的事視作人生陰影，Kat則強調要懂得轉化，譬如視生意不順為轉型的契機，「上天既然安排咗，我惟有用感恩嘅心態去迎接挑戰，最重要係轉化，挑戰定係低谷呢？定係一個萬劫不復嘅黑洞呢？就係你自己選擇。」她深信自己有了經歷，才會變得更強。「呢十三個月就係一個總結，人生喺呢個位置就係一個浪打過嚟咁，我就要接住佢，然後點樣喺浪爬返出嚟。」