一罐奶粉2支羹 被指浪費 網民反諷︰生BB已唔環保
【本報訊】嬰兒產品不少都是塑膠製品，惟近日有環保人士發貼斥責，一罐奶粉內居然附送兩支膠羹，質疑奶粉生產商造成浪費。
有主張環保的網民周四（11日）在Facebook群組「搞走塑」發貼抱怨，奶粉罐塑膠蓋及附送膠羹，「已經好過分」。他近日購入奶粉後，更意外發現罐內有兩支膠羹，「唔知道兩隻羹係有唔同嘅功能嘅呢？」他希望能將多餘的膠羹送還生產商代為處理。
生產商稱轉包裝 予客適應
有網民就事件向生產商查詢，他引述其回覆指︰「佢嘅理由，話轉包裝，嚟緊會用淺藍色嘅羹，但又驚消費者用唔慣，所以一次畀兩隻，等我哋慢慢適應。」
不少網民批評事主矯枉過正︰「餵人奶最環保，沖乜嘢奶粉呀？」、「生BB咁唔環保，每日浪費咁多資源。唔明點解係都要生」。有人則支持事主︰「我都想啲奶粉包裝得環保啲，如果我唔係人奶唔夠，我都唔會餵奶粉。」