政情：公民講場：指「飛氈」勝圓筒車場 韋志成寸運署揀錯？

香港泊車位嚴重不足，唔少地方都話搞智能地下停車場，運輸署最近就計劃打算喺深水埗搞圓筒式嘅智能地下停車場。點知，尋日市建局行政總裁韋志成喺網誌就話，圓筒式及平面移動式設計既智能地下停車場，會受制於機械升降裝置同汽車升降機既數目，喺繁忙時間或需長時間等泊車同攞車。佢用「電子飛氈」式既智能泊車系統，即係具自動導航功能嘅智能流動機械托盤，話唔涉及裝置大型機械，唔使改動部分已落成嘅停車場，已經可以重新規劃泊位。韋志成講到「飛氈式」咁好，唔知係咪想暗寸運輸署揀錯貨呢？