政情：今日你上鏡：陳家強京都影女夠吸睛

依家日本櫻花綻放，好多港人都爭相去當地賞櫻，當中包括財經事務及庫務局前局長陳家強（圓圖），賞櫻之餘仲影女添呀！仲唔止影一個喎，影足七個，佢真係唔怕老婆扭耳仔咩？講吓啫！話說陳家強尋日喺社交網站Facebook貼文話身在京都，仲上載咗幾張相，其中一張係佢企喺櫻花樹下，古城下嘅櫻花靚到絕。另一張就人靚嘞，因為佢就影好多女，喺古城街道上，七個着住和服、擔住遮嘅女士一字排開，又真係好吸睛嘅。