政情：去北京探愛女 劉黃寧達賞櫻打卡
又到櫻花盛開季節，好多人鍾意去日本、韓國賞櫻，珠寶設計師劉黃寧達（Leta）就去咗北京，同個女Katarina於湖畔櫻花樹前留影，狀甚開心。原來佢哋唔係特登去睇櫻花，而係Katarina去北京大學讀幾個月中文，Leta上去探班順便行吓校園。
記得Katarina去年在IB（國際文憑）試中取得滿分四十五分，成為女狀元，以為佢實入世界一流學府，但原來佢冇即刻升讀大學，特登畀自己一年「Gap year」，利用空檔時間周圍學吓嘢。今年二月就去咗北大讀中文，預計讀到六月底。以為去北大讀中文好似返興趣班咁簡單？錯啦！Leta話，呢個對外漢語交流課程獲全球優秀的學生爭相報讀，競爭激烈程度真係唔講得笑。
相隔四年再遊京城
囡囡在北京讀書，Leta一得閒就飛上去探佢，順便周圍逛吓。佢話都有三、四年冇去過北京，明顯感受到京城嘅發展有變化，開始滲透咗些少文化底蘊喎。