政情：方國珊派軍糧 大晒學生妹相

方接受查詢時仲預告「軍糧」陸續有嚟，唔單止年紀會再大啲，仲話等天氣悶熱啲先再貼出嚟，講到咁唔通會係泳衣照？

相中海報是經典之一

點解會上載學生妹相呢？方話舊年執文件時搵到一大批舊相，佢憶述今次呢張相係讀緊中一、二時影，確實地點已經唔記得，只可以憑相入面嘅海報知道影相地點係油尖區。不過，據稱上載呢張相本身唔係方嘅首選，佢本來打算趁兒童節貼一張兒童嘅相，可惜一跳已經係幼稚園時期嘅相嘞。

提到相入面嘅呢張海報，方話都係當年經典之一，係政府早期用作推廣公民教育，而正值近期香港比較多傳染病，佢認為呢個時候貼呢張相可以幫手宣傳，等市民多啲注重衞生喎。