政情：立會紀念品店轉虧為盈 賺13.2萬元

究竟紀念品店有乜利好因素錄得盈利？根據資料顯示，剛過去一個年度，紀念品店銷售量收入錄得增長，共有四十四萬四千多元，較上一個年度增加二萬三千多元，另一邊廂，開支方面則為三十一萬一千多元，較上一個年度減少超過十二萬元。據稱呢個同紀念品店遷至大樓大堂接待處附近較顯眼位置，毋須再指派訪客助理當值，相關員工開支毋須計入紀念品店開支帳目有關。

金屬書籤最好賣

另外，秘書處披露過去兩年，紀念品店銷售量最高嘅首三項紀念品，其中過去兩年最好賣嘅紀念品都係金屬書籤，二○一七至一八年度賣出一千八百四十七張，而一八至一九年度賣出一千四百多張；值得留意嘅係，去年推出嘅木製筷子湯匙套裝於銷售量新上榜排名第三，合共賣咗八百三十套。唔知秘書處未來會否參考呢啲數據，製作更多受市民歡迎嘅新紀念品呢？