黎智英被問「係咪驚畀人引渡返大陸」
【本報訊】民間人權陣線昨發起遊行，反對修訂《逃犯條例》，「搞事四人幫」其中三人，包括壹傳媒黎智英、天主教香港教區退休主教陳日君及民主黨創黨主席李柱銘更排在隊頭，而在遊行期間，自稱「旺角佔領區女村長」、鳩嗚團女常客畢慧芬拍了一下黎智英膊頭，問他：「你做乜咁驚呀？係咪驚畀人引渡返大陸？」黎只是尷尬地笑一笑。
遊行隊伍昨午三時許在灣仔盧押道修頓球場側起步，黎智英等三人一直排在隊頭。黎表明反對港府修訂《逃犯條例》，說：「呢單嘢好緊要o架大佬，呢單嘢過咗，我哋（傳媒）冇得做o架！傳媒冇得做o架！你話報道大陸新聞，佢（大陸政府）話你洩露國家機密；你批評佢，佢又話你顛覆國家安全，咁就冇o架嘞，依家有嗰少少新聞自由，都冇埋o架喇。」他呼籲港人一定要盡量反對今次修例，「過咗死o架呢單嘢，慘過二十三條啊！」
李柱銘：香港法官都救你唔到
李柱銘強調必須反對修例，又批評「大陸係鍾意乜就乜，你冇犯罪，都可以話你犯罪，跟住佢就搵啲人入張誓章，咁就表面證據成立，香港法官都救你唔到，就會將你引渡返去（大陸）。」他又指通過修例後，不單止香港人，所有來香港的外國人都有危險，香港不再是國際城市。
團體向政總掟饅頭 一度惹衝突
另外，遊行期間及隊伍抵達政府總部東翼前地集會時，均有人舉起港英旗及香港獨立嘅旗幟，而人民力量的成員更向政總掟饅頭，有人噴滅火筒試圖阻止示威者，雙方發生衝突，持滅火筒的人士最終由保安人員護送離開。民陣指遊行人數達一萬二千人，而警方指高峰期有五千二百人。
相關修訂草案將於本周三提交立法會首讀，有泛民的立法會議員聲稱可能發起圍堵立法會行動。