政情：八網難逃：游蕙禎冇得從政轉玩性感
青年新政游蕙禎因立法會宣誓風波被取消立法會議員資格後，曝光率已經大幅減少，但冇咗議員身份後嘅佢，仍繼續活躍於網絡當中，一舉一動仍有唔少網民關注。尋日佢就喺社交網站大晒三點式泳照，短短一個鐘已吸咗四位數字嘅Like（讚好）喇。
相中嘅游蕙禎着住白色嘅三點式泳衣，瞓喺吹氣水泡上再抬起右腳晒腿影相，認真識擺甫士。不過，佢就話張相係「資料圖片」，即係幾個月前影(口架)喇，但計落都算係近照嚟嘅。
佢又留言話，濕焗天氣下好想落泳池浸全日，但自己已十幾年冇去過公眾泳池，因為出現過泳池發現糞便事件，覺得污糟，而且人太多，分分鐘會踢到隔籬婆婆咁話。
性感泳照一上載已經吸引唔少Like同留言，有網友就話佢個樣唔同咗，游就話應該關冇化妝事喎。