中環出更：佔中裁決前夕密會攪局 高達同漢奸黎交帶「後事」？
違法佔領行動（佔中）案將於四月九日裁決，民主黨（白鴿黨）前主席李永達（高達）等九名被告嘅命運如何，到時將會揭盅，但距離案件判決前仲有不足兩星期，高達就參與壹傳媒黎智英（漢奸黎）於何文田寓所嘅密會攪局，莫非高達已打定輸數會失去自由，提早同漢奸黎等人交帶定「後事」，等大家可以幫拖「執手尾」？
李漢奸林卓廷李卓人齊到場
今次密會攪局喺尋晚近七時，漢奸黎嘅七人私家車抵達其位於何文田嘅寓所，車上有高達、外號「李漢奸」嘅資深大律師李柱銘同立法會議員林卓廷三名白鴿黨成員。其中身高一米九二嘅林卓廷坐喺司機旁嘅車頭位置，仲有一名座上客就係一度將秘密捐款「袋住先」長達九個月嘅工黨李卓人。不過李參加密會攪局不足一小時，就突然提早離開，唔知係乜嘢原因喇。
余若薇罕有參與 面紅紅離開
而喺李走後冇耐，約晚上八時，公民黨（公文袋）前立法會議員余若薇就由司機送其到黎宅，直到晚上九時十五分左右，面紅紅嘅佢就先行離開，並由其司機將其接走。
而高達、李漢奸同林卓廷喺余走後幾分鐘，佢哋亦都乘搭漢奸黎嘅私家車離開。高達同林就先喺太子嘅旺角警署外落車，李漢奸則繼續乘車前往港島。話時話，雖然漢奸黎經常喺寓所攪局，但余現身參與相當罕見，而公文袋同白鴿黨成員同場，亦並非多見。
翻查資料顯示，高達冇做議員後政治能量跌晒watt，最為人所知就係去年喺網台亂噏為黑社會人士發聲，其後隔一段時間，高達就走入漢奸黎寓所同漢奸黎密會。事有湊巧，今次高達再同漢奸黎密會，就係違法佔中裁決前夕。究竟係有人去收最後指示，定係另有所圖呢？
卓妮