香港郵政早前突然更改咗「須簽收郵件」派遞安排，容許領件人只須出示領件卡，毋須出示身份證。咁搞法，即係任何人都可以攞得，假若被人盜取領件卡，郵件將不保，追都追唔番，而喺市民鬧爆後，香港郵政先「跪低」，撤回新安排。唔使出示身份證就可取郵件，好明顯涉及保安問題，但香港郵政署長梁松泰竟然完全諗唔到，只係諗住點樣減省工序，做少啲嘢就算，即係諗縮數啫！
