慈母抽中第一粒珠盼助兒成家立室
【本報訊】不少成功申請綠置居麗翠苑的市民昨早到觀塘綠置居銷售小組辦事處，第一時間索取售樓書及價單，以便盤算認購的單位。有慈母期望買樓後兒子可以早日成家立室；有年輕人則稱難得有機會揀樓，即使是單位較小亦「唔想再等」。
青年280呎照殺「唔想再等」
家住慈雲山富山邨的陳女士成功抽得「第一粒珠」，感到非常興奮，形容「初時中咗都唔係幾信」。她現與丈夫和兒子同住僅二百多平方呎的公屋單位，期望買樓後兒子可成家立室，日後連同媳婦一家四口同住，認為四人住四百多平方呎單位不算擠迫。她指本港房屋需求迫切，「做人對社會要有責任，自己有能力、有機會嘅，要讓番個單位出來，畀有需要嘅人！」
三十多歲經營電子產品公司的陳先生心儀最大單位，不過抽籤排序不算前，未有信心可揀到心水單位，但明言不想再等，「始終今次有機會揀樓都叫好運，即使揀到二百八十平方呎都會考慮」，又指自己無力負擔私樓，「私樓起碼畀三成首期，同一個呎數可能要三百萬，比較吃力，但依家大約預十五萬便可以。」
現居於沙田的方先生與妻兒及父親一家四口同住，同樣心儀大單位，認為今次大單位的數量不少，應有機會成功揀到。他指現時常受樓上單位住戶的噪音滋擾，一直想搬屋，但坦言四百多平方呎單位對一家四口而言，並非最理想，「之前想抽六百幾平方呎（居屋），但抽唔到，綠置居喺無選擇情況下都會要，依家綠置居愈起愈細，四百幾平方呎算大，下次推出嗰幾期大部分單位只有二、三百平方呎，更加唔使諗。」