公立醫院醫護人員長期短缺，更鬧爆醫院管理局仲要佢哋做好多行政工作。食物及衞生局同醫管局尋日向立法會提交文件話會喺可行情況下，重新安排喺冬季服務高峰期月份內嘅部分會議舉行日期，並盡量減少行政工作，同埋探討將醫管局大會嘅權力，仲話已制訂中短長期挽留員工同增加人手嘅措施。老實講，醫管局主席梁智仁依家先被鬧醒，肯認衰嘞，之但係醫管局呢啲措施行唔行得通？請唔請到人？只怕今次又係口噏噏，氹住大家先啫！
