立法會建制及泛民兩派「冧友」審議國歌法本地立法的《國歌條例草案》，而審議草案嘅委員會將於本周六舉辦公聽會，事前兩派「冧友」戰推展至輿論戰，搵晒啲友好團體入意見書，連部分宗教團體都有份！
根據立法會最新文件，委員會收到五十多份來自不同團體或個人嘅意見書，當中有常見嘅政團，包括民建聯、公民黨同香港眾志。支持立法嘅團體就包括香港中國回教協會有限公司、香港道教聯合會、中山大學法律系香港同學會、香港中藥業協會、海港運輸業總工會等，佢哋主論調都係要維護國歌尊嚴、弘揚愛國精神，港府有憲制責任等。
反對嘅團體就包括法政匯思、香港音樂導師工會、十多名中大畢業生聯署等，佢哋就認為法例條文唔清晰，擔心變成打壓異見者工具等。嗰日咁多團體代表同個人出席公聽會，睇怕會有連番辯論。