星仔今天第一天在廚房上班，被派往廚師富哥身邊學習，富哥說：「星仔，你今天第一日返工，畀啲料你，飲食業入面有三大普遍意外，包括滑倒、灼傷同被利器割傷，依家等我將有關防護手套嘅貼士醒畀你，咁就可以有效減少因為其中兩類而受傷嘅風險喇。」
星仔說：「防護手套？咪都係手套，我睇電影見過無限手套呀，上面仲有寶石，有唔同功用。」富哥說：「唔好玩啦，我哋喺廚房工作用嘅防護手套功用真係有分別（口架）。因此必須採用合適手套保護雙手，常用嘅手套有防切割手套同隔熱手套，公司提供嘅防切割手套符合英國歐盟BS EN 388防割規格，手套上嘅鐵匠錘鐵圖像盾牌標誌及下面嘅數字，表示手套喺防磨、防割、防撕及防刺四方面嘅防護級別。我手上呢一雙手套第二個數字係五，即係表示佢嘅防割級別達到最高級別，即係五級，所以我必定會戴上呢隻手套，先用刀具處理食材。」
星仔回應：「咁預防灼傷嘅手套呢？ 」富哥說：「要預防灼傷，例如從蒸籠攞食物時，我會換上符合英國歐盟 BS EN 407防護規格嘅隔熱手套，其中防止接觸式熱力級別達到三級程度，可以應付廚房內一般情況，防止燙傷或者灼傷。所以我哋要因應工作需要選用合適嘅保護手套。」
富哥補充：「仲有呀，每次使用前應該檢查有無破損，如果手套已破損應立刻棄置同更換，咁樣先可以保護雙手，免受傷害。」星仔點頭說：「清楚明白！」
職業安全健康局
www.oshc.org.hk