立法會相關嘅事務委員會尋日審議一個編外職位轉做常額職位，話要處理香港電台新大樓嘅事宜，政府官員仲話現時有幾個部門有興趣同港台合用「聯用大樓」。老實講，政府最初向工務小組申撥六十億元，被議員鬧爆建超豪大樓，只係減磅七億元被拒收貨，呢幾年提都好少提，以為已經埋葬咗，點知商務及經濟發展局局長邱騰華同廣播處長梁家榮依家竟然掘番出嚟，想借屍還魂，有班議員𥄫實，睇怕佢哋再闖關都係撞牆o架嘞！
