政情：今日你上鏡：忍口戒消夜 黃友嘉七個月瘦廿磅

早前喺一個場合見到強制性公積金計劃管理局主席黃友嘉（David），明顯瘦咗又精神咗，連西裝都好似大咗兩個碼，原來佢七個月嚟瘦咗廿磅。David笑住話早排覺得自己超重，所以就做吓運動、食少啲嘢，特別係戒食消夜，結果就咁瘦落嚟，現時身高體重指標BMI已喺正常範圍，身形返番去十一、二年前。戒食消夜，咁咪要早啲瞓或減少應酬？佢笑稱唔使，最緊要係忍口，仲話自己以前食消夜只係口痕咋！