政情：立會開會漏水 陳振英笑議員口水多

陳振英（右起）、梁繼昌同莫乃光都發現天花漏水。

喺立法會二樓嘅會議室2B當時正審議由會計界梁繼昌提出嘅《2018年專業會計師(修訂)條例草案》，會議開始冇耐，門外天花板近電燈位就開始滴水，保安即通知部門跟進。立法會秘書處回覆時話，職員喺下午五時發現三樓走廊一台飲水機漏水，已即時安排職員關閉該飲水機水掣，並通知機電工程署跟進，正調查原因。根據紀錄該台飲水機首次出現漏水。

莫乃光：唔係第一次

會議原定由下午五時至晚上七時，基於審議過程順利，至傍晚六時左右已完會。有份開會嘅Ronick得悉門外漏水，就謔稱係大樓反映議員開會實況，口水多時就滴水，傾完就冇水喎。委員會主席莫乃光就話應該要叫政府畀錢立法會維修，都唔係第一次喇！

師傅即時到場維修同閂水掣。（溫國佳攝）

立法會三樓一部飲水機懷疑漏水。