術後戒肉「似冇大半條命」
【本報訊】切胃保命的陳先生，胃部不能承受油膩肉類，質感偏硬的食物放在肚裏都反胃，一日三餐只能進食粥、粉麵、麥皮。他慨嘆生命中衣、食、住、行的「食」都不由自主，形容自己：「好似畀人攞咗大半條命！」剛過去的農曆新年，原本是大魚大肉的佳節，惟他面對美食只能「齋睇唔食得」，嘆謂「人生都冇乜樂趣」。
與家人關係變差 身心難受
談及美食，陳臉上流露出絲絲眷戀，他指自己自小愛吃鮮蝦，因蝦頭夠香、生生猛猛，惟晚年害怕膽固醇高，他一個月只會食兩次，並說：「清蒸鮮蝦都已經令人津津有味！」此外，他對滷水食物亦情有獨鍾，直言：「我係潮州人嘛！」陳伯續指，農曆新年時本應是一家人開開心心吃團年飯及開年飯，他每年都會到幼子家中慶祝，惟切胃手術後他身體變得虛弱，過年食飯都不能去，即使早前食盆菜宴，也只可以食蘿蔔及蔬菜。
「依家最鍾意嘅食物都食唔到，人生都冇乜樂趣。」陳指癌症令他身體受盡煎熬，而且情緒低落，更與家人關係變差，令他身心難受，並說︰「有病嗰個係我，家人都唔會明白我嘅感受。」他說即使有人約出街，但身體疲倦，只想躺在家中休息。