政情：前高官相約踩車變落湯雞
雖然話「天下無不散之筵席」，不過運輸及房屋局前副局長邱誠武（前中）同埋商務及經濟發展局前副局長梁敬國（Godfrey，前左）等前高官，離開咗政府之後都周不時同埋班舊同事食飯相聚，尋日佢哋兩人就孖住一班舊同事去踩單車添。
一齊踩單車嘅仲有運房局政治助理符傳富（後右）、保安局政治助理劉富生（後左）、環境局政治助理區詠芷（後中）同埋食物及衞生局政治助理鄭守崗（前右）。最近天氣反覆，Godfrey就話朝早起步時冇風雨又冇晴，但踩踩吓就「天降甘霖」，仲由頭濕到落腳趾尾添！雖然天氣唔好，但係可以同朋友聚首一堂，做落湯雞都冇所謂啦。
（互聯網）