中環出更：黃浩銘林卓廷有官非密會漢奸黎攪局？
同泛民主派關係千絲萬縷嘅壹傳媒黎智英（漢奸黎），尋日又再喺其何文田寓所同泛民主派密會兩個半鐘。出席者包括「搞事四人幫」之一嘅民主黨（白鴿黨）創黨主席「李漢奸」李柱銘、外號「AV仁」嘅白鴿黨前主席何俊仁、曾收取漢奸黎部分捐款「袋住先」長達九個月而捱轟嘅工黨李卓人、社民連副主席黃浩銘同白鴿黨現任立法會議員林卓廷。黃、林二人近年官司纏身，唔通今次為咗佢哋「攪局」？
尋日朝早十一時，漢奸黎旗下七人車駛出寓所，約一小時後駛回大宅，只見AV仁坐喺副駕駛座，後座人等則放下窗簾。眾人密會約兩個半小時後，漢奸黎到屋外送客，而一眾泛民主派人士喺下午二時四十五分左右乘七人車離開。
李漢奸AV仁亦同行
七人車率先駛往旺角警署外，黃浩銘第一個落車，李卓人緊隨其後，最後係林卓廷。被問到係咪同漢奸黎食飯？眾人只答「係啊係啊」，至於傾咗乜嘢？佢哋都笑而不語。七人車之後駛過海，先送李漢奸返其位於半山馬己仙峽道的寓所，及後送AV仁到其大坑寓所，AV仁落車時手執一個膠袋、書本同類似文件嘅嘢返歸。
黃浩銘涉及「佔中九子」案將於下月裁決，咁啱林卓廷同黨友尹兆堅涉傷立法會保安案亦於同月再度預審。唔知今鋪「攪局」又傾咗乜嘢呢？
卓妮