涉偷香油箱 內地男：錢係神仙嘅

涉案卅七歲被告譚文華，報稱無業，被控三月一日於西貢蠔涌村車公廟內，偷竊一個內有一萬五千八百多港元及二元五角人民幣的捐款箱，屬於蠔涌村車公廟的財產。

稱無規定偷廟錢犯法遭駁斥

打扮斯文的被告則親身上陣，時而用普通話、時而用不流利廣東話跟裁判官對話。當他被問及是否認罪時，被告首先指：「啲錢唔係佢私人o架喎，係屬於神仙喎，世界上好似無邊個國家規定偷廟嘅錢係犯法o架喎」。裁判官羅德泉指：「響香港呢，偷廟嘅錢係犯法嘅，我唔知你來自咩地方，或者有人以為廟啲錢係用嚟濟助有需要嘅人，或者係屬於神嘅用嚟比人濟急……」被告即時認同：「係囉，我都係諗住攞嚟幫人。」

羅官續指：「但響香港，唔係你咁諗嘅！」被告又質疑：「佢（警察）都無響我面前開箱數有幾多錢，我點認啫？個箱咁細，點裝一萬五呀？一千五就得啫，警察可能呃我o架，係咪先？」，羅官表示：「咁你咪唔好認囉，你有自由選擇唔認罪，咪交法庭審囉，叫控方證明個金額，如果你連偷都唔認，咪審囉！」被告反駁：「咁你即係逼我認啫，咁我認罪係咪會馬上判先？」羅官明言，並非逼他認罪，亦指要考慮案情及背景，未必可即時判刑。

官：神仙錢都係錢 拒保押後訊

被告再表示，沒有足夠時間考慮答辯，羅官強調，被告可以要求押後作考慮，被告遂說：「咁我只係講多一句，我相信香港嘅法律係公平公正嘅」，羅官回應：「你唔使講呢啲嘢，全世界都知香港法律係公平公正嘅」。對於案件要押後，被告似有猶豫，一度表示：「如果押後都係一樣結果，我辯唔過你o架喎……我認（罪），但唔同意個金額」，羅官遂解釋，不會接納他在此情況下認罪，故將案轉交觀塘法院處理，屆時由該處裁判官決定要全面審訊、或只就失竊金額作出審訊。官並向他保證：「你放心啦，你一定會得到公平公正嘅審訊」。

控方表示被告在港居無定所，雖然無案底，但持雙程證入境，又指失物是在被告身上當場起回，因此反對他保釋。羅官遂將被告收押至周一交由另一法官處理。被告此時仍強辯：「咁啲錢係神仙o架嘛……」羅官回應：「咁神仙嘅錢，都係錢嚟！」

案件編號：ESCC 564/2019