政情：公民講場：羅致光刻薄長者 孤寒過波叔

政府收緊長者綜援申請門檻被鬧爆後，政府補鑊發放就業支援補助金，但呢班長者已剔出綜援受助人。有立法會議員尋日翻舊帳話政府講過一個崩都唔會少，要求畀呢班長者出雙糧，但財爺陳茂波話咁快就將個波推畀勞福局局長羅致光，話諮詢過羅，仲話基於政策帶動資源，所以冇處理。羅致光之前已機關算盡，六十歲至六十四歲綜援申請者唔參加自力更生計劃就要扣二百蚊，雖然最後唔得逞，依家又唔畀雙糧，佢簡直比波叔更孤寒。