有啲人對個人形象真係好執着，立法會議員馬逢國早前出席六人組新春團拜時，講起自己瘦到朝早覺得件西裝褸太鬆身，即刻急急買咗件新西裝褸，難怪睇落特別啱身啦！佢話已瘦咗廿幾磅，依家體重指標（BMI）係二十二，係最標準嘅，但佢就覺得自己瘦多咗少少，希望肥番兩三磅。佢話，想減肥淨係做運動係唔夠嘅，最重要係消耗嘅卡路里多過食落去嘅，而且樣樣嘢都要食，營養就均衡啲，正如佢依家紅豆沙都只係食一兩啖喎！
