職場健康：多個部門聯合推廣 辦公室做簡單運動
國富與家強是共事多年好拍檔，國富是家強的上司。最近，國富發現一向勤奮及經常加班的家強工作表現大不如前，經常犯錯又無故缺勤，令他心感疑惑。由於在公在私都想探個究竟，國富便相約家強晚飯，了解他的近況。
良好生活習慣 免職場倦怠
國富一臉疑惑向家強詢問：「同你共事多年，知你表現一向拚搏，但你點解最近一反常態？」家強悶悶不樂回答：「唉！對唔住！我最近覺得好攰，對工作完全提唔起勁，又集中唔到，仲成日頭痛。」
國富關心地問道：「你一向專注及投入工作，點解會有咁大反差？有咩事我可以幫你？」家強一臉愁容：「公司最近人手不足，我要通宵工作先能夠達到你所畀嘅目標。」
國富稱：「我諗你可能係出現職場倦怠情況，有機會是過重工作負荷導致你對工作失去動力及興趣。我會重新安排人手應付增加嘅工作量，但另一方面，建議你要維持生活平衡及有良好生活習慣，要有足夠運動、睡眠及社交生活。」
家強感激地道：「多謝你體諒，最近我聽聞有個叫『好心情＠健康工作間』嘅計劃，係由衞生署、勞工處同職安局推動，鼓勵員工喺工作場所做簡單嘅體能活動以促進健康，喺工作間建立良好健康文化。我哋公司係咪都可以參加呢個計劃？」
國富：「無問題！我都希望僱員能保持生活平衡，促進身心健康。只要僱主及僱員雙方互助互諒，一定可以喺工作間建立良好健康文化。」
職業安全健康局
www.oshc.org.hk