中環出更：傳歐陽伯權接掌港鐵 鄭國漢：冇搵新校董主席

歐陽嶺大任期餘約2年

港鐵主席馬時亨任期將喺今年六月三十日屆滿，早前已傳將由歐陽伯權接任嘅消息。問到若果歐陽伯權有新工作嘅話，係咪就會辭任依家校董會主席嘅職位？鄭國漢否認正物色新任校董會主席，仲話：「唔係佢接受咗另一份工作，我哋就會搵新嘅校董會主席。」佢嘅任期仲有一年多至兩年，相信佢會做到任期結束。

現年六十六歲嘅歐陽伯權，曾經喺美資保險公司擔任亞洲區總裁，並於二○一七年退休。佢喺二○一四年十月獲委任為嶺大校董會主席，翌年十月該校因校董會爭議，會議更被學生圍堵。