不少香港人為了食得健康而親自下廚，並到街市採購食材。在熙來攘往的街市，不難發現在售賣豬肉類的攤檔中，站着穿上全副個人防護裝備，準備進行全面消毒的工作人員。當中，肉檔老闆陶哥就是今次消毒工作的統籌。
陶哥：「由於內地嘅非洲豬瘟疫情持續，所以我哋決定定期喺豬肉攤檔範圍進行徹底清潔及消毒，務求挽回市民食豬肉嘅信心。」
小明：「根據食物環境衞生署一八年冬季最新匯報，非洲豬瘟只屬於豬傳染病。世界動物衞生組織專家指，呢種病毒喺過去一個世紀都未曾出現變異而引致跨物種傳播，所以唔會傳染人類，亦不構成食物安全風險，但點解我哋仍然需要加強消毒清潔？」
陶哥：「無錯，由於唔係人畜共患疾病，因此對人類健康無威脅，亦不構成食物安全問題。不過，對豬隻嚟講係嚴重威脅，因為病毒可透過豬隻間直接接觸感染，或是經廚餘、動物分泌物、相關人員衣鞋傳播，病毒一般可在環境中存活幾個月，而病毒喺冷凍肉類食品之中雖然不具高度傳染力，但仍可存活高達一千日！」
小明：「由於現時無疫苗預防，一旦感染會造成大量豬隻死亡，所以我哋應配合政府嘅防疫同應變方案，以減低病毒傳入本港可能性。雖然我哋食豬肉唔會患上非洲豬瘟，但都應提醒市民切勿購買來歷不明豬肉，同埋必須將啲豬肉徹底煮熟先可食用，以免感染食源性疾病。」
職業安全健康局
www.oshc.org.hk