早前土地供應專責小組成員王坤警告，若政府唔接納小組報告收回粉嶺高球場三十二公頃土地建屋嘅話就劈炮唔撈，事隔差不多一個禮拜，發展局局長黃偉綸尋日就話全盤接納小組報告嘅建議，但高球場餘下嘅一百四十公頃土地就無計劃改變用途嘞！用三十二公頃保住一百四十公頃，黃偉綸係咪以為除笨有精呢？係嘅話就錯晒喇，事關民主派已鬧爆政府偷換概念，背離民意，冇收回整個高球場，睇怕佢之後仲要捱打呀！咪使旨意佢哋會收貨。
